Unike premiar julaftan!

Duun og Dalen spanderer kvart sitt skilt ned den teksten du ynskjer. Til høgre den eine av premiane frå BG-nøttene i fjor.

Duun og Dalen er to kjære, norske reiskapsprodusentar som satsar for framtida. Begge to stiller med kvar sin eksklusive premie julaftan: Eit skilt, der du kan få brent inn ein fritt valt tekst.

Detaljar Dalen-premien

Skiltet frå Dalen vert laga i tre millimeters stålplate, maksimal storleik 1 x 2 meter. Ønska tekst kan brennast inn i fonten Stencil i den storleiken du ynskjer innanfor storleiken på skiltet. Skiltet kan lakkerast i svart. Om du vil, kan kantane knekkast inn slik at skiltet kan monterast med avstand frå vegg, til dømes om du vil legge inn lys på baksida. I eine hjørnet blir Dalen sin logo brent inn.

Detaljar Duun-premien

Duun stiller med eit skilt i syrefast stål. Også her er maksimale mål 1 x 2 meter. Duun tar gjerne ein prat med deg om kva motiv du ynskjer, men vilkåret er at motivet lar seg reprodusere digitalt på brukbart enkelt vis i programvaren som styrer maskina som skjær ut motivet. Hugs at motivet må vere slik at stålet heng saman – det er vanskeleg å brenne ut ein O med samanhengande strek i stål...Duun sin logo blir brent inn i eine hjørnet.

Felles for begge hovudpremiane

Tidleg i januar vil BG-nissane sette deg i kontakt med Dalen eller Duun, om du er så heldig å vinne. Du må rekne med at det kan ta litt tid før premiane er ferdig produserte. Premiane er aldeles unike for BG-nøttene, og likande har berre vore gort ein gong tidlegare, nemleg i fjorårets BG-nøtter. Kult...

Agrol spanderer ein splitter ny Volvo til ein av vinnarane på julaftan - med fjernstyring!

Dei to vinnarane av premiane frå Duun og Dalen får sjølvsagt også kvar sine to billettar til Agroteknikk 2015.

Ekstrapremie

I tillegg til dei to skilta frå Duun og Dalen, stiller Agrol med ein splitter ny Volvo XC 60, med miljøriktig batteridrift og radiostyring. Ein modellbil, altså.

BG-nøtta for julaftan finn du her. Den ligg ute til midnatt 1. juledag.