![zetor proxima power_100](https://image.gardsdrift.no/162085.webp?imageId=162085&width=960&height=720&format=jpg)
Zetor med kløtsjfritt vendegir
Zetor har lenge vore rimeleg med heilt OK spesifikasjonar, med eitt unntak: Mange har sakna kløtsjfritt vendegir. No er det på plass, saman med knappekløtsj og tretrinns hurtiggir.
Nye Proxima Power er ein utstyrsvariant av Zetors populære Proxima-serie. Desse traktorane var Norges niande mest selde traktorserie i 2007.Kløtsjfritt vendegirStørste saknet til mange Zetor-fans har vore nettopp kløtsjfritt vendegir. No er det der, sånn det skal vere: Ein hendig spak til venstre under rattet.I same slengen har Zetor lagt til ein knapp på hovudgirspaken, slik at du får knappekløtsj.Tretrinns hurtiggirTraktoren frå Skoda-landet aukar også talet hurtiggir frå to til tre. Transmisjonen består frå før av ein kasse med 2 gruppegir og 4 hovudgir. Kassen er ei justert utgåve av den som står i Proxima Plus, med litt anna arrangement av kløtsjane, og litt større byggelengde. Det gir også større akslingavstand.Traktorar med tretrinns hurtiggir i denne effektklassen er sjeldan vare. McCormick, Landini, Lamborghini og John Deere kan tilby slikt, noko du ser om du sjekkar traktoroversikten vår.
![Zetor med kløtsjfritt vendegir](https://image.gardsdrift.no/162095.webp?imageId=162095&width=960&height=720&format=jpg)
Kjem til 2009Proxima Power er til no berre vist på utstilling. Truleg kjem den i same modellane som Proxima Plus altså tre modellar frå 82 til 101 hk.Den er venta å kome kring årsskiftet, så våronna 2009 blir første høve til å køyre "rau å blank Zetor me læssapparat" - utan å kløtsje.
![Zetor med kløtsjfritt vendegir](https://image.gardsdrift.no/156204.webp?imageId=156204&width=960&height=1282&format=jpg)